വാവ് ചാഞ്ചുണ്ണീ, വാവ് ചാഞ്ച്....
താരാട്ട് കേട്ടുണ്ണീ വാവ് ചാഞ്ച്..
നെഞ്ചോടുച്ചേർന്നുണ്ണീ വാവ് ചാഞ്ച്...
താലോലമെന്നുണ്ണീ വാവ് ചാഞ്ച്...
...പൊന്മണിത്തെന്നലേ ഈ വഴി വാ..
താളത്തിലുണ്ണിയെ വാവുറക്ക്...
നെറ്റിയിൽ പൂവുള്ള പൂങ്കിളിയേ...
ഈണത്തിലുണ്ണിയെ വാവുറക്ക്...
പൂവാലിപെണ്ണേ പാല്‌ തായോ,
എന്നുണ്ണികണ്ണന്‌ മാമുണ്ണാനായ്..
ആ മരം ഈ മരം പൂവ് തായോ,
പൂമണത്തുണ്ണി നീ ചാഞ്ഞുറങ്ങ്...
ആഞ്ഞിലിമേലുണ്ണി ഊയലാട്..
ആ കൊമ്പിൽ ഈ കൊമ്പിൽ ഊയലാട്...
ചന്ദനതൊട്ടിലിൽ ഊയലാട്...
ചന്തത്തിലെന്നുണ്ണി ഊയലാട്..
മാനത്തു താരകൾ വന്നണഞ്ഞോ,
ഉണ്ണിയെ കണ്ട് കൺചിമ്മിയോ..
പൂനിലാവുണ്ണി നീ പൂത്തു കണ്ടോ,
ഉണ്ണിയെ കണ്ട് നാണിച്ചുവോ...
വാവ് ചാഞ്ചുണ്ണീ, വാവ് ചാഞ്ച്....
താരാട്ട് കേട്ടുണ്ണീ വാവ് ചാഞ്ച്..
നെഞ്ചോടുച്ചേർന്നുണ്ണീ വാവ് ചാഞ്ച്...
താലോലമെന്നുണ്ണീ വാവ് ചാഞ്ച്...
No comments:
Post a Comment